Everest Bank Ad

पिएम कपमा सर्वपक्षीय प्रतिवद्धता

Monday, February 12th, 2018

नेपालगन्ज, माघ २९ गते
प्रधानमन्त्री कप पाँचौं अन्तराष्ट्रिय महिला भलिबल प्रतियोगितालाई सफल बनाउने नेपालगन्जका बिभिन्न संघसंस्थाले सहयोग गर्ने प्रतिवद्धता ब्यक्त जनाएका छन ।
सोमबार भएको परामर्श बैठकमा संस्थागत विद्यालय, बसव्यवसायी, उद्योग, राजनिति र खेलकुद क्षेत्रका सम्बद्ध अगुवाले प्रतियोगिताले पश्चिमको क्षेत्रको समग्र विकासमा अग्रणी भुमिका खेलेको भन्दै सहकार्य गर्ने प्रतिवद्धता जाहेर गरेका हुन् ।27788030_1872416759467458_4226357255764666258_o

आयोजक बाँके जिल्ला भलिबल संघले मिस नेपाल निकिता चन्दकलाई गुडविल एम्बेसडर अनुबन्ध गरी प्रधानमन्त्री कप र राष्टिय खेल भलिबलको प्रवद्र्धन कार्य गरेको छ । प्रधानमन्त्री कपलाई उच्च तहमा प्रवद्र्धन गर्न आवश्यक रहेको हुँदा मिस नेपाललाई अनुबन्ध गरिएको आयोजक संघका अध्यक्ष टीएस ठकुरीले सबैसमक्ष जानकारी गराए । यसबर्षदेखि अन्तर्राष्टिय स्तरमा पुराउन लागेको हुँदा सबैलाई साझेदारी र सहकार्यको हात बढाउन अध्यक्ष ठकुरीले आग्रह पनि गरे । प्रधानमन्त्री कपमा यस बर्षदेखि नेपाल, भारतसहित बंगलादेशको टिम सहभागिता जनाउँदैछ ।
प्रधानमन्त्री कप अन्तराष्ट्रिय महिला भलिबल प्रतियोगिता फागुन ३ देखी नेपालगन्ज कभर्ड हलमा सुरु हुदैेछ । प्रतियोगितामा नेपालको दुइ विभागीय टोली एपिएफ, नेपाल पुलिस क्लब, शिवम न्यु डायमन्ड, पश्चिमाञ्चल, भारतको दुइ टोली देहरादुन र बंगलादेशको टोलीले प्रतिस्पर्धा गर्दैछन ।

ओलम्पियन एवम प्रदेशसभा सभासद सुरेन्द्र हमालले प्रतियोगिताले अन्तराष्ट्रिय स्तरको छबी हासिल गर्दै गैरहेको बताए । उनले भने, ‘नेपालगन्जमा अन्तराष्ट्रिय स्तरको प्रतियोगिता गर्न कठिन छ । धेरै प्रतियोगिता यहाँ भएका छैनन । तर भलिबलका साथीले देखाउनु भएको आटको हामीले कदर गर्नु पर्छ । प्रतियोगितालाई सफल बनाउन हामी सबै सभासद तथा राजनितिक दलको सहयोग रहने प्रतिवद्धता ब्यक्त गर्दछौं ।’

लिग कम नकआउटको आधारमा हुने प्रतियोगिताको विजेताले २ लाख रुपैया, उपविजेताले १ लाख र तेस्रोले ५० हजार रुपैया पुरस्कार पाउनेछन । विभिन्न विद्यागत रुपमा उत्कृष्ट हुने खेलाडीले आर्कषक पुरस्कार पाउनेछन ।
बाँके जिल्ला भलिबल संघ र क्षेत्रीय खेलकुद विकास समितीको समन्वयमा प्रतियोगिता हुनेछ । क्षेत्रीय खेलकुद विकास समिती अध्यक्ष एवम नेपाल भलिबल संघका सचिव भीम ओलीले प्रधानमन्त्री कपले आगामी वर्ष हुने आठौं राष्ट्रिय खेलकुदको तयारीलाई सहयोग गर्ने बताए । उनले भने, हामी एक वर्ष पछि नेपालगन्जमा आठौं राष्ट्रिय खेलकुद गर्ने तयारीमा छौं । त्यसको व्यवस्थापन हाम्रो चुनौति हो ।

तर यस्ता स्तरीय प्रतियोगिता भए हामीलाई आठौं राष्ट्रिय खेलकुद गर्न केहि कठिन हुने छैन । र अहिले हामीसँग सहकार्य गरेको संघ संस्था र ब्यक्तिहरुबाट हामीले आठौं गर्ने टिमको तयारी गर्ने छौं ।
आयोजक बाँके जिल्ला भलिबल संघ अध्यक्ष टिएस ठकरीले प्रतियोगिता भलिबल संघ परिवारको मात्र नभएर सिगो जिल्लाबाँसीको प्रतिष्ठासँग जोडिएको बताए । उनले भने, हामीले सोचेको सपना पुरा भैरहेको छ । प्रतियोगिताले अब अन्तराष्ट्रिय स्तरको आकार लिइसकेको छ । अब छिटै हामी दक्षिण एसियाली स्तरको बनाउने सोचका साथ अगाडी बढेको छौं । र यो पुरा पनि हुनेछ । तर त्यसका लागी हामी एक्लैको प्रयासले मात्र हुदैन । सबैको साथ र सहकार्य भएमात्र देशलाई चिनाउने प्रतियोगिता गर्न सकिन्छ ।
यसैगरी पत्रकार महासंघ बाँकेका पुर्व अध्यक्ष झलक गैरेले मिडियाको तर्फबाट प्रतियोगितालाई सफल बनाउन सहयोग गर्ने बताए ।
कार्यक्रममा पत्रकार महासंघ बाँके अध्यक्ष ठाकुर सिह थारुले नेपालगन्ज उपमहानगरपालिकाले बिशेष चासो लिनुपर्ने र अन्य स्थानीय तहले पनि अपनत्व लिनुपर्ने बताए । नेपाल पत्रकार महासंघका निर्वतमान सदस्य जनक नेपाल, सामुदायिक रेडियो प्रसारक संघ सदस्य तुला अधिकारीले पनि प्रधानमन्त्री कपलाई सबैको साझा बनाउने आयोजकले गरेको प्रयास सराहनीय रहेको चर्चा गरे ।

प्याब्सन बाँके अध्यक्ष डा. राजेश केशर खनालले सम्पुर्ण विद्यालयको सहयोग रहने प्रतिवद्धता व्यक्त गरे । एनब्याप्सन केन्द्रिय केन्द्रिय उपाध्यक्ष बामदेव न्यौपानेले एनप्याब्सन अन्तर्गतका सबै विद्यालयलाई सहभागिता गराउन पहल गर्ने बताए । हिसान बाँके अध्यक्ष डा. अरबिन्द मिश्र लगायतले प्रतियोगितालाई सफल पार्न आफुले कुनै कसर बाँकी नराख्ने प्रतिवद्धता जनाए । पुस्तक तथा स्टेसनरी व्यवसायी संघका बसन्त लामिछानेले सबैले साझेदारी र सहकार्यको संस्कारले कार्यक्रम सफल हुने बताए । केवल व्यवसायी विनोद अग्रहरीले प्रतिष्ठित उद्योगी व्यवसायीलाई प्रधानमन्त्री कपसँग जोड्न आफुले सार्थक पहल गर्ने बताए ।